சக்தி நிறைந்த நவராத்திரி

வெள்ளைத் தாமரைப் பூவில் இருப்பாள்

வீணை செய்யும் ஒலியில் இருப்பாள்

கொள்ளை இன்பம் குலவு கவிதை

கூறும் பாவலர் உள்ளத்தில் இருப்பாள் 

உள்ளதாம் பொருள் தேடி உணர்ந்தே

ஓதும் வேதத்தின் உள் நின்று ஒளிர்வாள்

கள்ளமற்ற முனிவர்கள் கூறும்

கருணை வாசகத்து உட்பொருள் ஆவாள் 

மாதர் தீங்குரல் பாட்டில் இருப்பாள்

மக்கள் பேசும் மழலையில் உள்ளாள்

கீதம் பாடும் குயிலின் குரலை

கிளியின் நாவை இருப்பிடம் கொண்டாள்

கோதகன்ற தொழில் உடைத்தாகி

குலவு சித்திரம் கோபுரம் கோயில்

ஈதனைத்தின் எழிலிடை உற்றாள்

இன்பமே வடிவாகிடப் பெற்றாள் 

மகிஷனை அழித்த தேவி விரதம் இருந்த காலம் நவராத்திரி. ஒன்பதாவது நாள் மகாநவமி. 

வெற்றி அளிக்கப் போகும் ஆயுதங்களை வைத்து தேவி பூஜை செய்த நாள் அது. 

எனவே ஆயுத பூஜை என்கிறோம். 

அசுரனை வெற்றி கொண்ட நாள் விஜயதசமி.

வாழ்வில் நமது பணிகளில் நம்மை முழுமையை நோக்கி உந்தும் ஆற்றலாகவும், அதனை முடிப்பதற்கான சக்தியாகவும் மகா சரஸ்வதி திகழ்கிறார். 

எனவேதான் கல்வி, இசை, ஓவியம் உள்ளிட்ட கலைகளுக்கான கடவுளாக சரஸ்வதியை வணங்குகிறோம். 

நாம் பயன்படுத்தும் கருவிகளை தூய்மை படுத்தி ஆயுத பூஜை கொண்டாடுகிறோம். 

இதுவே நவராத்திரி, சரஸ்வதி பூஜை, ஆயுத பூஜை ஆகிய பண்டிகைகளின் ஆன்மீக அடிப்படை !

ஆயுத பூஜை அன்று தொழிற்கூடங்கள் மற்றம் இயந்திரங்கள், வாகனங்கள் ஆகிவை சுத்தம் செய்யப்பட்டு, சிறப்பு பூஜைகள் செய்து வழிபாடு செய்யப்படும்.  

சரஸ்வதியை வணங்குபவர்கள்   மனதில் அமைதியும், சாந்தமும், மகிழ்ச்சியும் அறிவு வேட்கையும் உருவாகும் வண்ணம் உள்ளது

சரஸ்வதி பூஜை தினத்தோடு நவராத்திரி விழா நிறைவடைந்து விடுகிறது...

சக்தியால் உலகம் வாழ்கிறது.
நாம் வாழ்வை விரும்புகிறோம்.
ஆதலால் நாம் சக்தியை வேண்டுகிறோம்.

செய்யும் ஒவ்வொரு செயலிலும் கருவியாகவும்,அறிவாகவும் இருந்து செயல்படும் நம் இறைவனுக்கு நன்றியை தெரிவித்துக்கொள்கிறோம். 

தொடங்கும் நம் அனைத்து காரியங்களிலும் 

இறைவன் அருள் பரிபூரணமாக இருந்து வெற்றியை தரட்டும்