மகிழ்ச்சி மலர்விக்கும் மஹாசிம்மன்

ஸ்ரீமத் பயோநிதி நிகேதந சக்ரபாணே

போகீந்த்ர போகமணி ராஜித புண்ய மூர்த்தே

யோகீச சாச்வத சரண்ய பவாப்திபோத 

லக்ஷ்மீந்ருஸிம்ஹ மம தேஹி கராவலம்பம்

கிழக்கு நோக்கி யோகானந்த நிலையில்  காட்சி தரும்  நரசிம்மரை வழிபட்டவர்களின் வாழ்வில் சோகம் இருந்த இடம் தெரியாமல் மறையும் என்பது ஐதீகம்.

மஹாவிஷ்ணுவின் நாபிக்கமலத்தில் தோன்றிய  படைப்புக்கடவுளான நான்முகப்பிரம்மன் வேதங்களின் உதவி கொண்டு படைப்புத் தொழிலை செய்துவந்தார். 

அசுரர்கள் பிரம்மாவின் வேதங்களைத் திருடிச் சென்றதனால், பிரம்மாவின் படைப்புத்தொழில் நின்று போனது. 

தொழிலை இழந்த பிரம்மாவுக்கு தாங்க முடியாத 
சோகம் தொற்றிக் கொண்டது.  

பெருமாளைக் குறித்து தவம் செய்து , ""பூலோகத்திலுள்ள லட்சுமிசரசின் கரையில் அருளும் யோகநரசிம்மனை வேண்டி சோகம் போக்கிக் கொள்ளும் வரம் பெற்றார்....

.  காஞ்சிபுரம் அருகிலுள்ள வந்தவாசியை ஒட்டிய சோகத்தூரில் உள்ளகுளத்தில் நீராடி யோகநரசிம்மனை வேண்டி மீண்டும் வேதங்களைப் பெற்று படைப்புத்தொழிலைத் தொடங்கினார் பிரம்மா.  

பிரம்மாவின் சோகம் தீர்த்த இத்தலம் "சோகத்தூர்' என்று அழைக்கப்படுகிறது. 

வடமொழியில் ""சோஹ அபஹத்ருபுரம்'' என்று பெயர். இதன் பொருள் "துக்கத்தைப் போக்கும் திருத்தலம்' என்பதாகும்.