ஞான தேவதைகள்

வெள்ளைத் தாமரைப் பூவி லிருப்பவள்

வீணை செய்யு மொலியிலிருப்பாள்

உள்ளதாம் பொருள் வேதத்தினின் றொளிர்வாள்'

என்று பாரதி கூறிப்பிடும் கலைமகள் மொழி வடிவானவள். 

எழுத்துகள் 51. அவற்றை அட்சரங்கள் என்று சொல்வது மரபு. 

ஆகவே அந்த 51 அட்சரங்களைக் குறிக்கும் விதத்தில் 
தன் கையில் 51 மணிகள் கொண்ட அட்சரமாலையை தரித்திருக்கிறாள். 

அவள் வேதத்தின் உட்பொருளானவள்

சரஸ்வதி தன் கையில் வீணையை வைத்து வாசித்துக்கொண்டிருப்பது- கலைக்கு நாதனாக இறைவனின் உடலாய் அமைந்துள்ளது என்பதைக் காட்டுவதே. 

அவளே கலைகளின் நாயகி என்பதை உணர்த்தவும் அவளது கையில் வீணை இசைக்கிறது.. . வீணா தட்சிணாமூர்த்தி என்ற திருநாமத்துடன் விளங்கும் தட்சிணாமூர்த்தியின் கையிலும் வீணை உள்ளது

சரஸ்வதி கையில் உள்ள வீணைக்கு கச்சபி என்று பெயர். 

வீணை தட்சிணாமூர்த்தியாக இருந்து இசை நுணுக்கங்களை உபதேசித்த பின்னர், இறைவன் தான் உருவாக்கிய கச்சபி என்ற வீணையைத் தனது சகோதரியான சரஸ்வதி தேவிக்கு அளித்துவிட்டதாகப் புராண வரலாறு கூறும்.

சரஸ்வதி, தட்சிணாமூர்த்தி இருவருமே தம் திருக்கரங்களில் அட்சமாலை ஏந்தியுள்ளனர். "சர்வ வித்யை அளிக்கும் பிரபு (ஈஸ்வரன்) சதாசிவனாகிய தட்சிணாமூர்த்தியே' என்று வேதம் புகழ்கிறது. 

வித்யா தேவதையான சரஸ்வதி தேவதையே வாக்தேவதையாக விளங்குகிறாள். அவள் அருள் இல்லாமல் நம்மால் பேச முடியாது.

ஞான தேவதைகளான இருவருமே  மெய்ஞ்ஞானத்தை 
அருளவல்ல அருட்தெய்வங்கள்

ஞாலம் நாறு நலங்கெழு  நல்லிசை 

நான்மறை முதநூல் முக்கட் செல்வன் ஆலமுற்றம்' 
என்று அகநானூறு அறிமுகப்படுத்துகிறது..! 
 "ஆலமர் தெய்வம்' என்று புறநானூறு  குறிப்பிடுகிறது..

thenkudi thittai tirutthala raja guru

Theni  Prajna Dakshinamoorthy.

tirutthuraiyur thala dakshinamoorthy